საქართველოს პრეზიდენტის - საქართველოს სამხედრო ძალების უმაღლესი მთავარსარდლის ბრძანება N6
საქართველოს პრეზიდენტის-
საქართველოს სამხედრო ძალების
უმაღლესი მთავარსარდლის
ბრძანება
საქართველოს სამხედრო ძალების
უმაღლესი მთავარსარდლის
ბრძანება
N6 2015 წლის 24 ივლისი ქ. თბილისი
საგანგებო სიტუაციაზე რეაგირების მიზნით საქართველოს სამხედრო ძალების გამოყენების შესახებ
1. გურჯაანის მუნიციპალიტეტში 2015 წლის 22-23 ივლისს სტიქიური უბედურებით გამოწვეულ საგანგებო სიტუაციაზე რეაგირების მიზნით, საქართველოს კონსტიტუციის მე-100 მუხლის პირველი პუნქტისა და " სამოქალაქო უსაფრთხოების შესახებ" საქართველოს კანონის მე-15 მუხლის მე-13 პუნქტის თანახმად, გამოყენებულ იქნეს საქართველოს სამხედრო ძალების ქვედანაყოფი- საქართველოს შეიარაღებული ძალების გენერალური შტაბის ეროვნული გვარდიის მე-10 კადრირებული ბრიგადის ასი სამხედრო მოსამსახურე და ხუთი ერთეული საავტომობილო ტექნიკა.
2. ეს ბრძანება ძალაშია ხელმოწერისთანავე.
გიორგი მარგველაშვილი