საქართველოს პრეზიდენტის განკარგულება N 26/04/01
„საქართველოს ეროვნული პრემიის კომისიის შემადგენლობის დამტკიცების შესახებ“ საქართველოს პრეზიდენტის 2018 წლის 11 აპრილის N11/04/03 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის შესაბამისად, „საქართველოს ეროვნული პრემიის კომისიის შემადგენლობის დამტკიცების შესახებ“ საქართველოს პრეზიდენტის 2018 წლის 11 აპრილის N11/04/03 განკარგულებაში შეტანილ იქნეს ცვლილება და განკარგულების პირველი პუნქტი ჩამოყალიბდეს შემდეგი რედაქციით:
„1. „შოთა რუსთაველის სახელობის, ვაჟა-ფშაველას სახელობისა და საქართველოს ეროვნული პრემიების გაცემის მიზნით კონკურსის ჩატარების წესის დამტკიცების შესახებ“ საქართველოს პრეზიდენტის 2018 წლის 23 მარტის N104 ბრძანებულებით დამტკიცებული წესის მე-4 მუხლის მე-2 პუნქტის შესაბამისად, საქართველოს ეროვნული პრემიის მინიჭების ღონისძიებათა უზრუნველყოფისა და ლაურეატობის კანდიდატთა გამოვლენის მიზნით, დამტკიცდეს საქართველოს ეროვნული პრემიის კომისია (შემდეგში - კომისია) შემდეგი შემადგენლობით:
ქეთევან ერემაძე - იურისტი, კომისიის თავმჯდომარე
ალექსანდრე თევზაძე - საქართველოს განათლებისა და მეცნიერების მინისტრის მოადგილე
ავთანდილ კასრაძე - სსიპ - საქართველოს ინოვაციებისა და ტექნოლოგიების სააგენტოს თავ-მჯდომარის მოადგილე
გიორგი კვესიტაძე - სსიპ - საქართველოს მეცნიერებათა ეროვნული აკადემიის პრეზიდენტი
თემურ ნანეიშვილი - სსიპ - საქართველოს მეცნიერებათა ეროვნული აკადემიის ვიცე-პრეზიდენტი
დავით ყოლბაია - ორიენტალისტი
რომან შაქარიშვილი - ნევროლოგი
ვახტანგ ლიჩელი - არქეოლოგი
გიორგი ღაღანიძე - ეკონომისტი.“.
გიორგი მარგველაშვილი
