24.05.2018

საქართველოს პრეზიდენტის განკარგულება N24/05/02

 

„შოთა რუსთაველის სახელობის, ვაჟა-ფშაველას სახელობისა და საქართველოს ეროვნული პრემიების გაცემის მიზნით კონკურსის ჩატარების წესის დამტკიცების შესახებ“ საქართველოს პრეზიდენტის 2018 წლის 23 მარტის N104 ბრძანებულებით დამტკიცებული წესის მე-7 მუხლის პირველი პუნქტის თანახმად, შოთა რუსთაველის სახელობისა და ვაჟა-ფშაველას სახელობის პრემიების კომისიის გადაწყვეტილების შესაბამისად:
 

1. შოთა რუსთაველის სახელობის პრემიის ლაურეატის წოდება მიენიჭოთ:
2.  

გიორგი ალექსი-მესხიშვილს - სპექტაკლის „შობის მეთორმეტე ღამე ანუ როგორც გენებოთ“ სცენოგრაფიისა და მთელი შემოქმედებითი მოღვაწეობისათვის;

ალექსანდრე კორსანტიას - ლუდვიგ ვან ბეთჰოვენის, სერგეი რახმანინოვის, აარონ კოპლენდის ვარიაციებისა და მთელი შემოქმედებითი მოღვაწეობისათვის;

გიორგი შხვაცაბაიას - საქართველოს მთლიანობისათვის დაღუპულ გმირთა მემორიალ „ამაღლებისა“ (თბილისი, გმირთა მოედანი) და მთელი შემოქმედებითი მოღვაწეობისათვის.
 

2. ვაჟა-ფშაველას სახელობის პრემიის ლაურეატის წოდება მიენიჭოს გურამ დოჩანაშვილს პროზაული ნაწარმოებისათვის „ბრმადყოფილზე, და...“ (წიგნი პირველი, წიგნი მეორე), ასევე მთელი შემოქმედებითი მოღვაწეობისათვის.

 


გიორგი მარგველაშვილი